Deputeti gjerman i Parlamentit Evropian, Reinhard Butikofer ka reaguar ashpër pasi presidenti i Serbisë, Aleksandër Vuçiq ka vizituar Pekinin dhe mori pjesë në forumin ndërkombëtar “Belt and Road”.

Butikofer ka thënë se Serbia po i tregon BE-së gishtin e mesit, përcjell arbresh.info.

Poashtu, i ashpër ka qenë edhe reagimi i deputetit për kryeministren serbe, Ana Bërnabiq pasi kjo e fundit refuzoj ti bashkohet fotos familjare në Samitin e Procesit të Berlinit e cila u mbajt në Tiran.

Butikofer përmes një postimi në platformën X tha se Serbia pati mundësinë të nënshkruajë marrëveshjen bazë të lehtësuar nga BE-ja dhe marrëveshjen e Ohrit por se Brnabiq e refuzoi.

“Serbia po i tregon BE-së gishtin e mesit: Vuçiç preferon të shkojë në Pekin; kryeministrja serbe refuzon t’i bashkohet fotos familjare, sepse refuzon të respektojë flamurin e Kosovës; dhe, natyrisht, ata nuk duan të nënshkruajnë një marrëveshje, të cilës nuk kanë ndërmend t’i përmbahen. #GjeniGabimin”, u shpreh ai./Arbresh.info

#Serbia is showing the EU the middle finger: Vučić prefers to go to Beijing; the Serbian PM refuses to join the family photo, because she refuses to respect the Kosovo flag; and, of course, they don’t want to sign a deal, which they have no intent of sticking to. #FindTheMistake https://t.co/UIUkmHHQUp

— Reinhard Bütikofer (@bueti) October 17, 2023